27 July 2021
Fógraítear Buaiteoir Ghradam Teagasc / FBD do Mhac Léinn na Bliana
Is í Deirdre McMahon, Na Liatha Thuaidh, Cinn Mhara, Co. na Gaillimhe, buaiteoir náisiúnta 2020 ar ghradam Teagasc/FBD do Mhac Léinn na Bliana.
Fógraítear Buaiteoir Ghradam Teagasc / FBD do Mhac Léinn na Bliana
Ba í buaiteoir na catagóire déiríochta freisin.
Chríochnaigh Deirdre clár Teastas Glas Cianoideachais Teagasc ag Coláiste Talmhaíochta Salesian, Pailís Chaonraí, Co. Luimnigh. Tá céim san altranas aici agus d’oibrigh sí mar altra, ach tá baint aici anois le hoibriú tréada déiríochta an teaghlaigh. Leanann sí ag cur lena scileanna agus tá cúrsaí FGL críochnaithe aici agus glacann sí páirt i bpléghrúpaí lena n-áirítear pléghrúpa ban. Tá fiontar feirme déiríochta inbhuanaithe éifeachtach mar sprioc aici.
Is é Shane O’Brien as An gCarraig Bhán, Mainistir na Corann, Co. Chorcaí, buaiteoir na Catagóire Stoc Tirim. Chríochnaigh Shane clár Teastas Glas Cianoideachais Teagasc i Mainistir na Corann. Tá sé ag aistriú go ráthúil ó ghairm lánaimseartha mar phíolóta aerlíne go dtí baint mhór a bheith aige le feirm an teaghlaigh trí shocrú comhpháirtíochta. Tá fiontair chríochnaithe mairteola, curaíochta & stórála uaineola ag an bhfeirm. Tá fócas an-láidir aige ar rialú costais, bearta brabúsachta & inbhuanaitheacht.
Is í Marian Dempsey, Hilltop, Skerrig, Muinchille, Co. an Chabháin buaiteoir na Catagóire ‘Fiontair Talamhbhunaithe Eile’. D’fhreastail Marian ar Choláiste Bhéal Átha hÉis don Ardchúrsa Foraoiseachta Leibhéal 6 Teagasc. Chuaigh sí i mbun na spéise seo ar bhonn níos tráchtála, mar gheall ar a spéis i gcrainn ar feadh a saoil, i ndiaidh di dul ar scor ón múinteoireacht. Bhí an modúl gnó foraoiseachta an-chabhrach chun deiseanna a mheas. Tá gnó forbartha aici bunaithe ar a dlúthfhoraoiseachta, ag díriú ar chúrsaí foraoiseachta léirmhínithe, eispéireasacha agus léirthuisceana do leanaí agus do ghrúpaí.
Bhí 19 iomaitheoir sa chomórtas ag léiriú an raon iomlán de chúrsaí oideachais a chuireann Teagasc ar fáil. Chomh maith leis na 3 buaiteoirí, aithníodh na 16 mac léinn seo a leanas as a bheith sa bhabhta ceannais:
- Colin Cahalan, Co. na Gaillimhe
- Shane Clifford, Co. Chiarraí
- Daire Comerford, Co. Laoise
- Patrick Conlon, Co. Mhaigh Eo
- Padraic Cullen, Co. Chill Dara
- Gearoid Doyle, Co. Loch Garman
- Laura Hannon, Co. na Mí
- Niall Healy, Co. Thiobraid Árann
- Ewan Kane, Co. Chill Dara
- Kenneth Keegan, Co. na Gaillimhe
- Conor Lehane, Co. Chorcaí
- Aoife Nic Fhionnlaoich, Co. Bhaile Átha Cliath
- Mark Miley, Co. Ros Comáin
- Denis O’Donoghue, Co. Chorcaí
- Robert O’Mara, Co. na hIarmhí
- Susan Stephenson, Co. Liatroma
Dúirt Tony Pettit, Ceannasaí Oideachais Teagasc an méid seo: “Ba mhaith liom comhghairdeas a dhéanamh leis na buaiteoirí agus leis na hiomaitheoirí ar fad a bhí sa bhabhta ceannais. Léirítear leis an nGradam Teagasc / FBD do Mhac Léinn na Bliana na mic léinn is fearr ar chúrsaí Teagasc. Ba mhaith liom buíochas a ghabháil le FBD as a n-urraíocht leanúnach do na gradaim. Ba mhaith liom aitheantas a thabhairt freisin do thacaíocht an Aire Talmhaíochta, Bia agus Mara, Charlie McConalogue, TD.
https://www.teagasc.ie/education/going-to-college/student-of-the-year/